Printfriendly

දෙවන කොටස

  දෙවන කොටස



නියත විවරණ කථා
මහා කල්ප ලක්ෂයක් අධිකකොට ඇති සාරාසංඛ්‍ය කල්ප ලක්ෂයකට පෙර දැකුම්කලුමනරම්වූදශ ශබ්දයකින් තොරනොවූආහාරපානයෙන් යුත් අමරවතී නම් නුවරක් වීය෴ ඇතුන්ගේ කුංඤ්ච නාදයෙන්දඅසුන්ගේ හේසාරාවයෙන්දබෙර හඩින්දසක් හඩින්ද, කව, බොව යන හඩින්ද ඝෝෂා කරන ලද්දාවූ, සියලු නගරාංගයෙන් යුත්, සියලු කර්මාන්තයෙන් යුතු වූ, සත් රුවණින් සමන්විතවූනොයෙක් දේශවලින් පැමිණි නොයෙක් වෙස් ගත් ජනයාගෙන් ගැවසීගත්, පින්කම් කරන්නවුන්ට වාසස්ථානයක්වූ, "අමරවතී" නම් නුවර දෙව් නුවරක් මෙන් සමෘධවීය෴

අමරවතී නම්වූ එම නුවරෙහි නිදන්කළ කෝටි ගණන් නොයෙක් ධනය ඇතිබොහෝ ධන ධාන්‍ය ඇති, ශාස්ත්‍ර පිරිවහන්නාවූ, වේදය දරන්නාවූ, තුන් වේදයෙහි පරතෙරට පැමිණිලක්ෂණ ශාස්ත්‍රයෙහිද, ඉතිහාසයෙහිද, ස්වකීය භ්‍රාහ්මණ කුල ධර්මයෙහිද පරතෙරට ගිය "සුමේධ" නමි බමුණෙක් විය෴

සුමේධ නම් බමුණුව උපන් කාලයෙහි මම, රහසිව තනිව හිඳගෙන මෙසේ සිතුයෙමි෴  "නැවත ඉපදීම නම් දුකයි෴  ශරීර භෙදයත් මරණයත් දුකයි" කියාය෴ කාලයෙහි මම ඉපදීම ස්වභාවකොට ඇත්තෙක්දදිරීම ස්වභාවකොට ඇත්තෙක්දලෙඩවීම ස්වභාවකොට ඇත්තෙක්ද වීමි෴ එබැවින්  දිරීමක් නැතිමරණයක් නැති,  භවයක් නැති නිවණ සොයන්නෙමි නමි ඉතා යහපත් යැයි සිතුයෙමි෴ "නොයෙක් කුණපයෙන් පිරිණු මේ කුණු කය කෙරේ ඇලීමක් නැත්තේවැඩක් නැත්තේ හැරදමා යන්නෙමි නම් යෙහෙක෴ භවයෙන් මිදීම පිණිස යම් මගක් වේද මග ඇත෴ නැතිවන්ට බැරිය෴   එහෙයින් මාර්ගය සොයන්නෙමි෴ යම්සේ දුකක් ඇති කල සැපයකුත් ඇතිවෙයි෴ මෙසේ භවය ඇති කළ භවයෙන් මිදීමකුත් කැමතිවිය යුතුය෴ යම්සේ උණක් ඇති කළ එයින් අන්‍ය සීතලක්ද ඇතිවෙයි෴  මෙසේ රාග  ද්වේශ  මෝහ යන තුන් ගින්න ඇති කල නිවණත් කැමති විය යුතුය෴ යම්සේ අකුසල් ඇතිකල කුසලයකුත් ඇතිවෙයි෴ මෙසේම ඉපදීම ඇතිකල නොඉපදීමයි කියන ලද නිවනකුත් කැමති විය යුතුය෴

යම්සේ වැසිකිළි වළක වැටුණු මිනිසෙක් දිය පිරුණු විලක් දැක විල නොසොයා නම් එය විලේ දොසක් නොවෙ෴ මෙසේ කෙලෙස් කිලුටු සෝදා දමන නිවන් නමැති දිය විලක් ඇති කල්හි විල නොසොයා නම් එය නිවන් නමැති විලේ දොසක් නොවේ෴ යම්සේ සතුරන් විසින් වට කරණ ලද මිනිසෙක් පලා යා හැකි මගක් ඇති කල පලා නොයේ නම් එය ම‍‍ඟේ දොසක් නොවෙ෴ මෙසේ කෙලෙස්වලින් වලකන ලද තැනැත්තේනිවන් මග ඇති කල මග නොසොයා නම්,  එය නිවන් මග දොසක් නොවේ෴ යමිසේත් ලෙඩවූ මිනිසෙක් වෙදෙකු ඇතිකල ලෙඩට වෙදකමි නොකරවා නමි එය වෙදාගේ දොසක් නොවෙ෴ මෙසේ කෙලෙස් නමැති ලෙඩින් උපන් දුක් ඇති තැනැත්තෙක්, නිතර පෙළෙන ලද්දේඇදුරකු නොසොයා නම් දෝසය සත්ත්වයන් හික්මවන මොක් මඟ ඇදුරන්ගේ නොවෙ෴ යම්සේ සැප ඇතිකැමතිසේ හැසිරෙනතමහට වසඟවූ මිනිසෙක්බෙල්ලෙහි බඳින ලද කුණපයක් පිළිකුල් කොට මුදාහැර යන්නේද, එසේම නොයෙක් කුණු රැස්වූ මේ කුණු කය බලාපොරොත්තුවක් නැත්තේ,  ප්‍රයෝයෝජනයක් නැත්තේ හැර දමා යන්නෙමි෴ යම්සේ මල පහ කරන තැන පුරුෂ ස්ත්‍රීහු මල බලාපොරොත්තු නැත්තෝහැර දමා යෙත්ද, එසේම මම නොයෙක් කුණපයෙන් පිරුණු මෙ කය මල පහකොට වැසිකිළියක් මෙන් හැරදමා යන්නෙමි෴ යම්සේ නැව් හිමියෝ පරණවූ සිදී බිදී ගිය දිය උනන්නාවූ නැවක් ගැණ බලාපොරොත්තු නැත්තාහුවැඩ නැත්තාහුහැරදමා යෙද්ද, එපරිද්දෙන්ම මම ඇස් කන් ආදී සිදුරු නවයක් ඇති, නිතර මල වැගිරෙන, මේ කයනැව් හිමියෝ දිරූ නැවක් අතහරින්නාක් මෙන් හැර දමා යන්නෙමි෴ යම්සේ මිනිසෙක් රන් රුවන් ආදී බඩුවක් හැරගෙන සොරුන් සමග යන්නේබඩු පැහැරගෙන යන බිය දැක ඒය සොරුට හැරදමා යයිද, එපරිද්දෙන්ම මේ කය මහ සොරෙකු හා සමානය෴ මේ කය කුසල් නමැති රුවන් පැහැරගනීය යන බියෙන් හැර දමා යන්නෙමි෴"

මම මෙසේ සිතා නොයෙක් කෝටි ගණන් ධනය නාථයන්ට හා අනාථයන්ට දන්දී හිමාල වනයට පැමිණියෙමි෴ හිමාල වනය සමීපයෙහි  "ධම්ම්ක" නම් පර්වතයෙකි෴ එහි මට අසපුවක් හොදින් කරන ලදී෴ පන්සලක් හොදින් මවන ලදී෴ අසපු පෙදෙසෙහි සක්මන් දොස් පසකින් තොරවූ සක්මනක් කෙළේය෴ පැවිදි සැප අටකින් යුත් අභිඤ්ඤා බලය ඇතිකර ගතිමි෴ එහිදී නව දොසකින් යුත් රෙදි අත්හළෙමි෴ දොළොස් ගුණයකින් යත් වැහැරි සිවුරු හැන්දෙමි෴ අට දොසකින් යුත් පන්සල අත්හළෙමි෴ ගුණ දසයකින් යුත් රුක්මුල වෙත පැමිණියෙමි෴ වපුරණ ලද්දා වුවදසිටුවන ලද්දා වුවදධාන්‍ය ඇට ජාති සමිපූරණයෙන් අත්හළෙමි෴ නොයෙක් ගුණයෙන් යුත් ඉබේ නටුයෙන් ගැලවී බිම වැටුණු ගෙඩි වැළදුයෙමි෴ එහි හිදීමෙහිදී , සිටීමෙහිදී , සක්මන්හිදී වීර් කෙළෙමි෴ සත් දිනක් ඇතුළතදී අභිඤ්ඤා බලයට පැමිණියෙමි෴

දීපංකර බුදු උතුමන්වහන්සේ ලොව උපනි෴
මෙසේ තවුස් සස්නෙහි වසී පුරුදුවූ මා පඤ්ච අභිඤ්ඤාවන්ගේ ප්‍රයෝජනය ලැබීමේ තත්ත්වයට පැමිණ සිටි කල්හි  දීපංකර නම් ජිනේන්ද්‍රයන් වහන්සේගේ ලෝකයෙහි උපන් සේක෴ උන්වහන්සේ පිළිසිදගැනීමෙහිදමව් කුසින් බිහිවන කල්හිද, බුදුවීමෙහිද, දම්සක් පැවැත්වීමෙහිද ඇතිවූ  සතර පෙර නිමිති, ධ්‍යාන සැපයෙන් යුත්වූයේ, මම නොදුටුයෙමි෴

පසල් දනව්වෙක ජනයෝ දීපඞකර තථාගතයන් වහන්සේට ආරාධනාකොට උන්වහන්සේ විසින් වැඩියයුතුවූ  මාර්ගය සතුටු සිත් ඇත්තාහු සුද්ද කරත්෴ මම කාලයෙහි සිය අසපුවෙන් නික්ම,වැහැරි වත් සලමින් එවේලෙහි අහසෙහි යෙමි෴ හටගත් සොම්නස් ඇති, තුටුපහටුවූ මහත් සතුටු ඇති ජනයා දැක, එකෙණෙහි ගුවනින් බැස මිනිසුන්ගෙන් විචාළේය෴ තුටුපහටුවූ මහත් සතුට ඇතිහටගත් සොම්නස් ඇති මහජනතෙම මඟ සුද්ද කරයි෴ මේ මඟ ඔබ විසින් කවරකු වෙනුවෙන් සුද්ද කරණු ලැබේදූ  එසේ මා විසින් විචාරණ ලද මිනිස්සු "උතුම්වූ පස්මරුන් දිනූ ලෝහිමිවූ බුදු රජහු ලෝකයෙහි උපන් සේක෴ උන්වහන්සේට වැඩවීම පිණිස මේ මග සුද්ද කරනු ලැබෙ" යයි පැවසූහ෴ එකෙණෙහි "බුද්ධ" යන වචනය අසා මට ප්‍රීතිය උපනි෴ "බුද්ධ"බුද්ධ" යයි කියමින් සොමිනස වින්දෙමි෴ එතැන සිට සතුටුවූයේවිස්මයට පත් සිත් ඇත්තේ, මෙසේ සිතුයෙමි෴ මෙහි කුශල බීජයන් රෝපණය කරන්නෙමි෴  කාලය ඉක්ම නොයේවා෴ ඉදින් බුදුරදුන් සඳහා මග සුද්ද කරව් නම් මට එක් කොටසක් දෙව෴ වල ගොඩ ඇති මග මමත් සුද්ද කරන්නෙමි෴

බුද්ධ බුද්ධ බුද්ධ
කාලයේ ඔවුහු මට මාර්ගයේ කොටසක් සුද්ද කරන්නට දුන්හ෴ මම එකල්හි "බුද්ධ, බුද්ධ" යයි සිතමින් මග  සුද්ද කරමි෴ මාගේ මග පෙදෙස සාදා නොනිමි කල්හිම කෙලෙස් පැරදවූ, දිවකුරු මුනිදු, ෂඩ්අභිඥාලාභීවූ, තාදී ගුණ ඇති,  කෙලෙස් කිලිටු නැති, සාර ලඳයක් රහතුන් සමග මඟට පිළිපන් සේක෴ සතුටු සිත් ඇති දෙවි මිනිස්සු පෙර ගමන් පවත්වත්෴ බොහෝ බෙර වයත්෴ සාදුකාර පවත්වත්෴ දෙවියෝ මිනිසුන් දකිත්෴ මිනිස්සුත් දෙවියන් දකිත්෴   දෙවියෝ ද මිනිස්සු වැඳගෙන තථාගතයන් වහන්සේ පසුපස්සේ  යෙත්෴ දෙවියෝ දෙවියන්ගේ තූර්යයන්ද, මිනිස්සු මිනිසුන්ගේ තූර්යයන්ද වයමින් දෙවි මිනිස්සු තථාගතයන් වහන්සේ පසු  පස්සේ යෙත්෴ දෙවිලොව මදාරා මල්ද, පියුමිද, පරසතු මල්ද, අහසට පැමිණි දෙවියෝ දිසාවෙක් දිසාවෙක්හි වගුරුවත්෴ සපු මල්ද, හෝපලු මල්ද, බක්මී මල්ද, නා මල්ද, මල්ද, වැටකේ මල්ද බිම සිටි මිනිස්සු දිසාවෙක් දිසාවෙක්හි විසුරුවත්෴  මම මඩෙහි හිසකෙස් මුදා, වැහැරි සිවුරද, සම්කඩද අතුරා මුහුණින් දිග ඇදී ගත්තෙමි෴ බුදුරදහු මා පාගාගෙන සිසු සව්වන් සහිතව යේවා෴ මඩ නොපාගාවා෴ මඩ නොපෑගීම මට හිත පිණිස වන්නේය෴" "පොළොවෙහි හොත්තාවූ මාගේ සිතට මෙබදු සිතිවිල්ලක් ඇතිවීය෴ මම කැමති නම් අද මාගේ රාගාදී කෙලෙස් තවන්නෙමි෴ මෙහිදී අප්‍රසිද්ධ වෙශයෙන් සිව්සස් අවබෝධ කිරීමෙන් මට කවර වැඩක්දූ සර්වඥබවට පැමිණ දෙවියන් සහිත ලෝකයෙහි බුදුවන්නෙමි" කියායි෴

මහා කාරුණිකයාණෝ
තමාගේ බලය දන්න මිනිසෙක්වූ මාගේ තනිව සසරින් එතරවී යාමෙන් කවර ප්‍රයෝජනයක් දූ සර්වඥබවට පැමිණ දෙවියන් සහිත ලෝවැස්සන් සසරින් එතර කරන්නෙමි෴ මිනිසුන්ට උතුම්වූ දිවකුරු මුනිදුන් කෙරෙහි කළ මගේ මේ වටිනා වැඩෙන් සර්වඥබවට පැමිණ බොහෝ ජන සමූහයා සසරින් ගොඩලමි෴ සසර ඉපදීමට කරුණුවූ තෘෂ්ණා නමැති සැඩ පහර සිඳතුන් භවයෙහි උපදනා කර්ම කෙලෙස් නසාදහම් නැමැති නැවට නැගී දෙවියන් සහිත ලෝ වැස්සන් සසරින් එතර කරන්නෙමි෴ මිනිසත්බව, පිරිමියෙකුවීම, පින් ඇති බව, ශාස්තෘන් වහන්සේ දැකීම, පැවිද්ද, අභිඥා ගුණයෙන් යුක්තවීම,‍  ජීවිත පරිත්‍යාගය, බලවත් උත්සාහය යන කරුණු අට එක්වීමෙන් බුදුබව පැතීම සිදුවේ෴" දන් පිළිගැනීමට සුදුසු දීපංකර සර්වඥයන් වහන්සේ මාගේ හිස මත්තෙහි වැඩ සිට මෙ මතු කියන වචනය වදාළ සේක෴ ජටාධරවූ, උසස් තපස් ඇති මේ තාපසයා බලව෴ මෙකපින් අපමණ කල්පයෙක මෙතෙම ලෝකයෙහි බුදුවන්නේය෴ ගෞතම තථාගතතෙම දිනයෙහි මනරම් කිඹුල්වත් පුරයෙන් නික්ම ප්‍රධානවීර්යයද කොට දුෂ්කර ක්‍රියාවද කොට, තථාගතතෙම අජපල් නුගරුක් මුල හිද එහිදී කිරිබත පිලිගෙන නෙරංජරා ගංගාව සමීපයට එළඹෙයි෴ නැවත ජිනරාජතෙම නේරංජරා ගංතෙරදී කිරිබත වළදා දෙවියන් විසින් පිළියෙළ කළ උතුම මගින් ඇසතු  බෝමුල කරා එළඹෙයි෴ මහා යසස් ඇති ගෞතම නර ශෙෂ්ඨයාණෝ ඊට පසු උතුම් බෝමැඩ පැදකුණු කොට ඇසතු ගස මුලදී බුදුබව අවබෝධ  කරන්නේය෴ මුන්වහන්සේගේ වදන මව මායා නම් වන්නීය෴ පියතෙම සුදොවුන් නම් රජ වන්නේය෴ මෙතෙම ගෞතම නම්  වන්නේය෴ කාමාදී ආසව නැති, රාගාදී කෙලෙස් නැති කළ, සන්හුන් සිත් ඇතිඑකඟවූ සිත් ඇති "කොලිත" ,  "උපතිස්ස" යන අග්‍රස්‍රාවකයෝ දෙදෙනෙක් වන්නාහ෴ ආනන් නමි උපස්ථායක කෙනෙක් ගෞතමයන්ට උපස්ථාන කරන්නේය෴ කාමාදී ආසව නැති කළසන්හුන් සිත් ඇතිඑකඟවූ සිත් ඇති "ඛෙමා" , "උප්පලවණ්ණ" යන අග්‍ර ශ්‍රාවිකාවෝ දෙදෙනෙක් වන්නාහ෴ භාග්‍යවත්හුගේ බෝධිය ඇසතු රුකයයි කියනු ලැබෙ෴ "චිත්ත" , "හත්ථාලවක" යන අග්‍ර උපස්ථායකයෝ දෙදෙනෙක් වන්නාහ෴ "නන්දමාතා" ,  "උත්තරා" යන අග්‍ර උපස්ථායිකාවෝ දෙදෙනෙක් වන්නාහ෴ යසස් ඇති ගෞතම භාග්‍යවත්හුගේ ආයුෂය සියයකි෴"

බෝසතානන්වහන්සේට ස්තූති පුජා
අසමවූමහර්ෂීවූ දිවකුරු බුදුරදුන්ගේ මෙ වචනය අසා සතුටු සිත් ඇති දෙව් මිනිස්සු මෙ බුදු පැලයෙකැ බුදුබව  පතන බෝසතෙකැයි දස දහසක් සක්වළ දෙවියන් සහිත ලෝ වැස්සෝ ඔල්වර හඩ පවත්වත්෴ අත් පොළසන් දෙත්෴ සතුටෙන් සිනහසෙත්෴ ‍  වැදගෙන නමස්කාර කරත්෴ ඉදින් මෙලෝහිමියාණන්ගේ සස්න හෙවත් අරි අටගි මග වරද්දන්නෙමු නම අනාගත කාලයෙහි මුන්වහන්සේ හමුවන්නෙමු෴ යම්සේ ගගක් එතර කරන්නාවූ මිනිස්සු ඉදිරි තොට වැරදී ගියහොත්, යටි තොට ගෙන මහ ගඟ එතර කරත්ද, එමෙන්ම අපි හැමදෙනම මෙ දිනිදු නමුත් ඉදින් මුදමුනම් අනාගත කාලයෙහි මුන්වහන්සේ හමුවන්නෙමු෴ දන් පිළිගැනීමට සුදුසු දිවකුරු සමිබුදුරජහු මාගේ ක්‍රියාව ගැන විස්තරය ප්‍රකාශකොට ගමනට දකුණු පය ඉදිරීය෴ සමාගමයෙහි යමි ජිනපුත් කෙනෙක් හෙවත් බුදු සවි කෙනෙක් වූහුද, ඔවුහු මා පැදකුණු  කළහ෴ දෙවියෝද මිනිස්සුදඅසුරයෝද අභිවාදනයකොට වැද, ගියහ෴

දෙවියන්ගේ ප්‍රීති ඝෝෂා
මාගේ දැකීම සගුන් සහිත ලෝහිමියන් ඉක්ම ගිය කල්හි මඩෙහි මුහුණින් හොත් තැනින් නැගිට මල් රාශිය මතුපිට  අරමිනිය ගොතා හුන්නෙමි෴ එකල්හි කයසිත සුවයෙන් සැප ඇත්තෙක් වෙමි෴    සාමාන්‍ය සතුටෙන් සතුටු සිත් ඇත්තෙක් වෙමි෴  බලවත් ප්‍රිතියෙන් පිනා ගියේපළගක් බැන්දෙමිහෙවත් අරමිණිය ගොතා හුන්නෙමි෴ මම එකල්හි පළගින් හිද මෙසේ සිතුයෙමි෴ "මම ධ්‍යානයන්හි පුරුදුවූයෙමි෴" පඤ්චාභිඥාවන්හි පරතෙරට ගියෙමි෴ දසදහසක් සක්වළෙහි මා හා සම තාපස කෙනෙක් නැත෴ ඍධි ධර්මයෙහි අසමවූ මම මෙබදු කය, සිත සැපයක්  ලැබූයෙමි෴" මාගේ පළග බැදීමෙහි දස දහසක් සක්වළ දෙවියෝ "ඒකාන්තයෙන් බුදුවන්නෙහිය" යි මහ හඩක් පැවැත්වූහ෴ පෙර බෝසතුන්ගේ පළග බැදීමෙහිදී යම් නිමිති කෙනක් දක්නා ලැබුණහුද, නිමිති අද දක්නා ලැබෙත්෴ සීතල පහවූයේ වෙයි෴ උණුසුමද සන්සිදෙයි෴ නිමිති අද දක්නා ලැබෙත්෴ ඒකාන්තයෙන් ඔබ බුදුවන්නෙහිය දස දහසක් සක්වළවල් නිශ්ශබ්ද වෙත්෴ නිරවුල් වෙත්෴ නිමිති අද දක්නා ලැබෙත්෴ ඒකාන්තයෙන් ඔබ බුදුවන්නෙහිය෴ මහා වාතයෝ නොහමත්෴ ගංගාවෝ ගලා නොබසිත්෴ නිමිති අද දක්නා ලැබෙත්෴ ඒකාන්තයෙන් ඔබ  බුදුවන්නෙහිය෴ ගොඩ හටගන්නාවූද, දියෙහි හටගන්නාවූද, හැම මල් එකවිට පිපෙත්ද, හැම මලුත් අද පිපුනාහුය෴  ඒකාන්තයෙන් ඔබ බුදුවන්නෙහිය෴ වැල්ද, ඉදින් ගස්ද එකවිට ගෙඩි බරවූවාහු වෙත්ද හැම ගස් වැල් අද පල ගත්හ෴ ඒකාන්තයෙන්  ඔබ බුදුවන්නෙහිය෴ "අහස පිපියාවූද, බිම පිපියාවූද රත්නයෝ එකවිට බබළත්ද, රත්න ජාතීහුද අද බබලත්෴ ඒකාන්තයෙන්බුදුවන්නෙහිය෴ මිනිසුන් පිළිබදවූද,දෙවියන් පිළිබදවූද වාද් භාණ්ඩ එකවිට වාදනය කෙරෙත්ද, දෙවි මිනිස් දෙවග ගී භාණ්ඩ අදත් නාද පවත්වත්෴ ඒකාන්තයෙන් ඔබ බුදුවන්නෙහිය෴ අහසින් විසිතුරු නොයෙක් සුවද මල් එකවිට වසිත්ද, වැසිත් අද වසිත්෴ ඒකාන්තයෙන් ඔබ බුදුවන්නෙහිය෴ මහ මුහුද හැකිලේද, දස දහසක් සක්වළ කම්පා වෙද, දෙදෙනත් අද නාද කරත්෴ ඒකාන්තයෙන් ඔබ  බුදුවන්නෙහිය෴ දස දහසක් චක්රාවාටයන්හි නිරයවල එකවිට ගිනි නිවෙත්ද, ගිනිත් අද නිවුණහ෴ ඒකාන්තයෙන් ඔබ බුදුවන්නෙහිය෴ හිරු නිර්මල වෙද, සියලු තරු දක්නා ලැබෙද්ද, ඔහුත් අද දකිනු ලැබෙත්෴ ඒකාන්තයෙන් ඔබ බුදුවන්නෙහිය෴ වැස්සෙන් ඇති නොවූ ජලය පොළොවෙන් නැග අද ජලයද පොළොවෙන් නැගෙයි෴ ඒකාන්තයෙන් ඔබ බුදුවන්නෙහිය෴ වෙසක් සදින් යුත් නැකැත් තරු හා කුඩා තරු ගුවන් මඩලෙහි බබළත්ද, ඒකාන්තයෙන් ඔබ බුදුවන්නෙහිය෴ බිම් සිදුරුවල හෝ නයි, මුගටි ආදී සත්තුද, ගල් ගුහා ආදියෙහි හෝවනා සිංහ, කොටි ආදී සත්තුද,  තම තමන් වසන ගුහාවලින් නික්මෙත්දඔවුහුද අද ගුහාවලින් නික්මුණාහ෴ ඒකාන්තයෙන් ඔබ බුදුවන්නෙහිය෴ එකෙණෙහි සත්ත්වයන්ට නොඇල්මෙක් නොවෙද, සතුටු සිත් ඇත්තන් වෙද්ද  අද ඔවුහු සියල්ලෝම සතුටු සිත්  ඇත්තාහ෴ ඒකාන්තයෙන් ඔබ බුදුවන්නෙහිය෴ කාලයෙහි රෝගයෝ සංසිදෙත්ද, බඩගින්න වැනසේද, අද ඔවුහු දක්නා ලැබෙත්෴ ඒකාන්තයෙන් ඔබ බුදුවන්නෙහිය෴ කාලයෙහි පස්කමි සැපෙහි ඇල්ම නැතිවෙද, වේෂයද, මෝහයද වැනසේදඅද සියල්ලෝ පහවූහ෴  ඒකාන්තයෙන් ඔබ බුදුවන්නෙහිය෴ කාලයෙහි බියවීමක් නොවෙදඅදත් එය දක්නා ලැබෙ෴ කරුණෙන් ඒකාන්තයෙන් ඔබ බුදු වන්නෙහියයි දනිමු෴ රජස් දුවිලි උඩට නොනගීද, අදත් එය දක්නා ලැබෙ෴ කරුණෙන් ඔබ බුදුවන්නෙහියයි දනිමු෴ අනිටු ගද දුගද පහවෙදදෙව් ගද සුවද හමාදඅද සුවදද හමයි෴ ඒකාන්තයෙන් ඔබ බුදුවන්නෙහිය෴ අරූතල වැසි දෙවියන් හැර සියලු දෙවියෝ දක්නා ලැබෙත්ද, ඔහු හැමත් අද දකිනු ලැබෙත්෴ ඒකාන්තයෙන් ඔබ බුදුවන්නෙහිය෴ යම්තාක් නරකයෝ වෙත්නම්, එකවිට සියල්ලෝ දක්නා ලැබෙත්ද, හැමත් අද දක්නා ලැබෙත්෴ බුදුවන්නෙහිය෴ කාලයෙහි බිත්තිදකවුඵදපර්වතද ආවරණ නොවූවාහු වෙත්දඔහුත් අනාවරණ වූහ෴  ඒකාන්තයෙන් ඔබ බුදුවන්නෙහිය෴ එකෙණෙහි මරණයක්ද, ඉපදීමක්ද නැත෴ අදත් ඔවුහු දක්නා ලැබෙත්෴ ඒකාන්තයෙන් ඔබ බුදුවන්නෙහිය෴ වීර්යයය දැඩිකොට තදින් ගණුව෴ නොනවතුව෴ ඉදිරියට යව නොහොත් නොපසුබසුව෴ අපිදු මෙය දනිමු෴ ඒකාන්තයෙන් ඔබ බුදුවන්නෙහිය෴ දිවකුරු බුදුරදුන්ගේද, දස දහසක් සක්වළ වැසි දෙවි මිනිසුන්ගේද යන දෙපසේ වචන අසා එවෙලෙහි තුටු පහටුවූ බලවත් සතුටු සිත් ඇති මම මෙසේ සිතුයෙමි෴

මා නියත විවරණ ලැබුවෙමි෴
බුදුවරයෝ සැබෑය,බොරුය යන දෙපරිද්දෙකින් පවත්නා වචන නැති හෙයින් නොවෙනස් වචන ඇත්තාහ෴  පස්මරුන් දිනුවෝ, නොනිස් වචන ඇත්තාහ෴ බුදුවරයන්ගේ බොරු බසක් නැත෴ ඒකාන්තයෙන් මම බුදුවන්නෙමි෴ යම්සේ අහසෙහි උඩ දැමූ ගල් කැටක් ඒකාන්තයෙන් බිම වැටෙද, එසේම බුදුවරුන්ගේ වචනය ඒකාන්යෙන් ඒකාකාරව  පවත්නේය෴ බුදුවරුන්ගේ බොරු බසක් නැත෴ ඒකාන්තයෙන් මම බුදුවන්නෙමි෴ යම්සේ සියලු සත්ත්වයන්ට මරණය ඒකාන්තයෙන් ඒකාකාරව පවතීද, එසේම බුදුවරුන්ගේ වචනය ඒකාන්තයෙන් ඒකා කාරව පවත්නේය෴ බුදුවරුන්ගේ බොරු බසක් නැත෴ ඒකාන්තයෙන් මම බුදුවන්නෙමි෴ යම්සේ රාත්‍රිය අවසන්වූ කල්හි හිරු නැගීම ඒකාන්තයෙන් සිදුවෙද, එසේම බුදුවරුන්ගේ වචනය ඒකාන්තයෙන් ඒකාකාරව පවත්නේය෴ බුදුවරුන්ගේ බොරු බසක් නැත෴ ඒකාන්තයෙන් මම බුදුවන්නෙමි෴ යමිසේ ලැග්ග තැනින් නික්මුණු සිංහයාගේ නාද කිරීම ඒකාන්තද, එසේම බුදුවරුන්ගේ වචනය ඒකාන්තයෙන්  ඒකාකාරව පවත්නේය෴ බුදුවරුන්ගේ බොරු බසක් නැත෴ ඒකාන්තයෙන් මම බුදුවන්නෙමි෴ යමිසේ ගර්භනීන්ගේ ගැබි බර මිදීම ඒකාන්තද, එසේම බුදුවරුන්ගේ වචනය ඒකාන්තයෙන් ඒකාකාරව පවත්නේය෴ බුදුවරුන්ගේ බොරු බසක් නැත෴ ඒකාන්තයෙන් මම බුදුවන්නෙමි.


සබැඳි
පෙර කොටස කියවන්න    ඉදිරි කොටස කියවන්න    පෙළ කියවන්න

3 අදහස් හා විමසීමි:

Anonymous said...

me karana de nisa obage piyananta ekman suwaya prarthana karanawa, oba semata theruwan saranai...!!!!
mama Abu Dhabi walin Harsha

Meth Dasun said...

sada senasilla wewaaaaaaaaa............... piyananta niroge suwa lebeawaa.

MindSpring said...

ඔබගේ පැතුම එලෙසම ඉෂ්ඨ වේවා!!!

නොදත් කරුණු ගොඩාක් පිළිබඳව දැනුවත් උනා. බොහෝම ස්තූතියි.

ඔබට වහ වහාම උතුම් චතුරාර්ය්‍යය සත්ත්‍ය අවබෝධ වේවා!!!

සාධූ සාධූ සාධූ!!!

Post a Comment

ආරභථ නික්ඛමත - යුඤ්ජච බුද්ධ සාසනේ
ධුනාථ මච්චුනො සෙනං - නාලාගාරං ච කුඤ්ජරො

අරමිභ කරන්න
නික්මෙන්න
බුදු සසුනෙහි පිළිවෙත් පුරමින් යෙදෙන්න
ඇතා බටවන‍ය පොඩි කරන්නාක් මෙන්
මාර සේනාව මඩින්න!!!
Related Posts Plugin for WordPress, Blogger...