නිවනට කෙටිම මග- කායගතාසති ප්‍රධාන භාවනාව (18)

කායගතාසති ප්‍රධාන භාවනාව.

   01)මේතාක් පරිකමිම වශයෙන් ඔබ කරනු ලැබුවේ ශරිර කොටස් ශරිරය තුල පිහිටා ඇති ආකාරය සිතින් මෙනෙහි කර ඒ පිළිබඳව ප්‍රවීනතාවයක් ලබාගැනීමයි. ඒ ප්‍රවීනතාවය නොමැතිව මෙතැන් සිට භාවනාව කල නොහැකිවා සේම එයින් ප්‍රථිඵල ලැබීමද සාර්ථක නැත.

02)පරිකමිම භාවනාව ප්‍රගුණකරගත් පසු මූලික භාවනාව සඳහා ප්‍රවිශ්ඨ වීමට පෙර සෑම විටම පරිකමිම භාවනාව කල යුතුය. ඒ සඳහා මිනිත්තුවක සිට මිනිත්තු 05 දක්වා  කාලයක් ඔබට වැය විය හැක. ඉන් අනතුරුව ඔබේ ශරිරය හෝ එහි ප්‍රතිබිමිබය දෙස නැවතත් සිතින් බලා කෙස් යැයි මෙනෙහි කරමින් ශරිරයේ කෙස් සියල්ලම ගලවා පසකින් ගොඩ ගැසිය යුතුය.

03)මෙහි දී සැබවින්ම ශරිරයේ ඇති කෙස් සියල්ල ගලවා ඉවත් කරන්නේය යන හැඟිම හා අවභෝධය ඇතිවම කෙස් ඉවත් කිරීම කල යුතුය. එසේ ඉවත් කල ඹබට නැවතත් ශරිරයේ ප්‍රතිබිමිබය දෙස බැලීමේදී හිසේ කෙස් දර්ශනය විය නොහැක. මෙහිදී හිස් කෙස් නැති බවත් ඉවත් කල කෙස් පසෙක ඇති  බවත් පැහැදිලිව දැකීමට උත්සුක විය යුතුය.

04)මේ ආකාරයට ශරිරයේ ලොමි, නිය, දත්, ආදියත් ගලවා පසකින් ගොඩ ගැසිය යුතුය.

05)ඉන්පසු දොඩමි ලෙල්ලක් ගලවා දමන්නාක් මෙන් නැතහොත් මස් මරණ තැනක කුකුලන් ආදී සතුන්ගේ හම ගලවා ඉවත් කරන්නාක් මෙන් ශරිරයේ හම ගලවා ඉවත් කල යුතුය.

06)එවන් විටක ඔබට ශරිරයේ ප්‍රතිබිමිබය තුලින් හමක් දර්ශනය නොවී මස් පෙනෙමින් තිබිය යුතුය. මෙබදු තත්වයක් ඇතිවීමට නමි පරිකමිම භාවනාව හොදින් වැඩී තිබිය යුතුය. එබදු තත්වයක් ඇති නොවේ නමි පරිකමිම භාවනාව නැවත නැවත වැඩිය යුතුය.

07)ඉන්පසු මස් පිඩු ආදියත් ශරිරයේ අන් සියළුම අවයවත් ගලව ගලවා පසිකින් ගොඩ ගැසිය යුතුය.

08)ශරිරයේ ඇති ආපෝ කොටස් ඔබ ගලවා ගොඩගසන ලද  ශරිරකොටස් ගොඩවල් වලින් එකතුකරගත හැක. මේ ආකාරයට ආපෝ කොටස් 12 ත් පඨවි කොටස් 20ත් වෙන වෙනම ගොඩවල් වලට වෙන් කල යුතුය.

09)මේ ආකාරයට ඉතාමත් පහසුවෙන් ශරිර කොටස් ගොඩ ගැසිය හැකි අයුරන් භාවනාව දියුණු වන තුරු එය බහුලීකරණය කල යුතුය.

10)එසේ දියුණු විට පමණක්. මෙතෙක් භවානාව අවසානයේදී එනමි පඨවි කොටස් හා ආපෝ කොටස් වෙන් කර ඉවර වෙත්ම, ශරිරයේ ප්‍රතිබිමිබය දෙය බැලීමට උත්සුක විය යුතුය. නැතහොත් තමාගේ ශරිරය දෙස බැලීමට උත්සුක විය යුතුය. එහිදී ඔබට ඔබේ ශරිරයේ ප්‍රතිබිමිබය සොයාගත නොහැකි වී නමි මෙතෙක් කල් මමයි, මගේ යැයි කියන ලද මේ ශරිරය දැන් කෝ? යන ප්‍රශ්ණය ඔබ විසින් ඔබේ සිතින් ඇසිය යුතුය. 

11)ඔබ නිසි සතියකින්, සමාදියකින්, ප්‍රඥාවකින් භාවනාව ගැන ප්‍රවීණතාවයකින් මෙම භාවනාව කලේ නමි එම අවස්ථවේ ඒ සදහා පිළිතුර ඔබට ලැබෙනු ඇත. එම පිළිතුර වචනයකින් ලැබෙන පිළිතුරක් නොවේ. භාවනාමය අත්දැකීමකි.

12)සති පටිඨාන සූත්‍රයේ දක්වා ඇති “කලෙක ශරීරයෙහි ඇතිවීමි ස්වභාව හා කලෙක ශරීරයෙහි නැතිවීමි ස්වභාව හෝ අනුව බලමින් වාසය කරන්නේය. ඒ භික‍්ෂුවට සත්වයෙක් පුද්ගලයෙක් නොවූ ශරීරය පමණක් ඇත්තේයයි යන සිහිය හොඬින් පිහිටියේ වෙයි” යන මෙම තත්වය අත්දැකිය හැකි අතිශය පහසුම භාවනාවක් වන මෙය නුවනැත්තෝ ඒ අයුරෙන්ම පිළිපදිත්වා. (විශේෂිත දැනගැන්ම පිණිස)එසේ පිළිතුරු නොලැබේ නමි හා භාවනාව හොදින්ම ප්‍රගුණ වී ඇතිනමි ඉන් ඉදිරියට කල යුතු දේද ඇත.

Read More...

නිවනට කෙටිම මග- කායගතාසතිය පරිකමිම භාවනාව. (17)

කායගතාසතිය පරිකමිම භාවනාව.

  01)ශරිර කොටස් හොදින් හදුනාගත් පසු ඒවායේ හැඩය, පිහිටි ස්ථානය පිළිබඳව ප්‍රමාණවත් දැණුමක් ද ලද පසු පමණක් පරිකමිම භාවනාව කල යුතුය.

   02)ඉන් අනතුරුව ශරිරය සෘජුව තබා සුදුසු භාවනා ඉරියවිවකින් හිඳගෙන තමාගේ ශරිරය සිතින් දකින්නට උත්සහ කල යුතුය.

03)මේ අවස්ථාවේ දී තමාගේ ශරිරයම සිතින් මෙනෙහි කිරීම හෝ තමා ඉදිරියේ සිතින් මවාගත් තම ශරිරයේ ප්‍රථිබිමිබයක් මෙනෙහි කිරීම හෝ කල හැක. කවර ආකාරයෙන් මෙනෙහි කිරීම කල ද කමක් නැත.

04)යමි හෙයකින් තමාගේ ශරිරයේ ප්‍රථිබිමිබයක් නැතහොත් පරාවර්ථනයක් මෙනෙහි කරන්නේ නමි ඒ ප්‍රථිබිමිබය  තමාගේ ශරිරයේ පරාවර්ථනයක් වන බව දැනසිටිය යුතුය.

05)ඉන් අනතුරුව පිළිවලින් ශරීරකොටස් ගෙන කෙස් යැයි සිතින් මෙනෙහි කරමින් තමාගේ ශරිරයේ කෙස් පිහිටා ඇති ආකාරය සිතන් දැකීමට උත්සුක විය යතුය.

06)ඉක්මන් වී ශරිර කොටස් වේගයෙන් බලාගෙන යෑමට වඩා පරිකමිම භාවනාවේදී අපේක්ශා කරණුයේ ඔබ වැඩිමට බලාපොරොත්තු වන භාවනාවේ පදනම දමාගැණිම බැවින්, කාලය ගෙන ශරිර කොටස් මනසට හොදින් පැහැදිලිව දර්ශනය වන අයුරින් අත්දැකීමට උත්සුක විය යුතුය. භාවනාව හොදින් ප්‍රහුණ වූ කල්හි පියවි ඇසින් දකින අයුරෙන්ම වර්ණ ද සහිතව හිසකෙස් තමාගේ සිතට දර්ශනය විය යුතුය.

07)මේ ආකාරයට ලොමි, නිය, දත්, ආදී වශයෙන් වන්නාවූ ශරිරයේ අනිත් අංගයන්ද මනසට ඉතාමත් පහැදිලි ලෙස දර්ශනය වන තෙක් දැකිය යුතුය. 

08)සෙම, සොටු, සැරව ආදිය, ලේ, මුත්‍ර ආදිය ආපෝ ධාතුව බැවින් ඒවායේ ශරිරයෙන් පිටතදී ඇති ස්වරූපය වර්ණය ආදිය දැකීමට උත්සුක වීම ප්‍රමාණවත්ය.

09)මේ ආකාරයට පළමුවර ‍ශරිර‍ කොටස් සියල්ලම සිතින් බලා භාවනා කොට අවසන් කිරීමට තරමක කාලයක් ගතවීමට ඉඩ ඇත.

10)විටක කෙස් මෙනෙහි කරමින් සිටිනා විට කෙස් ඉතාමත් හොදින් පෙනෙන්නට වී අනතුරුව කෙස් රූප සංඥාව සිතට නොපෙනී යාමට හෝ, කෙස් සිතට නොවැටහීයාමට ඉඩ ඇත. නැතහොත් ආලොකමත් වී රූප නිමිත්ත නොපෙනීයා හැක. නැතහොත් අධුරට ඇඳ වැටිය හැක. එවන් විටක කෙස් මෙනෙහි කිරීම පසකින් දමා ලොමි මෙනෙහි කල යුතුය. මේ ආකාරයට අන් කොටස් සමිබන්ධව ද පිළිපදැයි යුතුය.

11)මෙසේ දිනපතා භාවනා කාලය තුල ශරිර කොටස් පිළිවලින් මෙනෙහි කිරීම කල යුතුය.

12)භාවනා කාලය හා ඔබගේ සති, සමාධි තත්වයන් මත යමි අවස්ථාවක දී කෙස් යන්න සිතින් මෙනෙහි කරත්ම කෙස් කිසිදු ආයාසයකින් තොරව මෙනෙහි කල හැකි තත්වයක් උත්ගතවන බව අත්දැකිය හැකිවනු ඇත.

13) එවන් විටක ප්‍රධාන භාවනාවට යොමු විය යුතුය.

Read More...

නිවනට කෙටිම මග- කායගතාසතිය ගැන දතයුතු දේ (16)

 කායගතා සතිය ගැන දතයුතු දේ.

01)මෙස් වඩනු ලබන්නේ කායගතාසති භාවනාවයි. මෙය පිළිකුල් භාවනාව නොවන අතර පිළිකුල් භාවනාවෙන් වෙනස් වෙයි. පිළිකුල වැඩීමේදී මේ එක් එක් ශරිර අවයවයක ඇති පිළිකුල් ස්වභාවය මෙනෙහි කරමින් පිළිකුල් සංඥාව වඩන නමුත් මෙහිදී කරනුයේ සතිපටිඨාන සූත්‍රයේ දක්වා ඇති පරිදිම මුං, තල, වී, හැල් ආදී බීජ ඇති මල්ලක් ලිහා බලා ඒ එක් එක් බීජ වෙන වෙනම වෙන්කරන්නා සේ ශරිර කොටස් වෙන්කරමින් විමසා බැලීමයි.

02) කායගතාසති භාවානාව නැතහොත් ශරීරගත කොටස් පිළිබඳව සිහිය පිහිටවීමේ දී ශරීරංග පිළිබඳව පළමුව අවබෝධයක් ලබා තිබිය යුතුය. 

03)එම ශරිරංග, ශරිරයේ පිහිටා ඇති ආකාරයත්, ඒ ශරිරංගයන්ගේ හැඩය හා ස්වභාවය පිළිබඳව ද දැනුමක් තිබිය යුතුය.

04)එසේම මේ ශරිර කොටස් දෙතිස කටපාඩමේ දැනසීටීම ද ඉතා වැදගත් වනු ඇත.

05)ඉන් අනතුරුව පහතින් දක්වා ඇති රූප පෙළ හෝ වෙනත් පින්තූර ඇසුරු කර ගනිමින් එම ශරිර කොටස් හි ස්වභාවය හා පිහිටි ස්ථානය ආදිය සිතේ ධාරණය කරගත යුතුය.

06)ඉන් අනතුරුව පරිකමිම භාවනාව කල යුතුය.

07)ශරීර කොටස් හදුනා ගැනීම.

Asuba_Bhawanawa

 

 

Read More...

නිවනට කෙටිම මග- කායගතාසතිය (15)

කොටස කායගතාසතිය

නැවතද මහණෙනි, මහණ තෙම පාදතලයෙන් උඩ හිසකේ මස්තකයෙන් යට සම කෙළවර කොට ඇති නානාවිධ අසූචියෙන් පිරී සිටී. මේ ශරීරයම සිහි කරන්නේය. කෙසේදයත් මේ ශරීරයෙහි හිසකෙස්ය, ලොමිය, නියපොතුය, දෙතිස් දත්ය, හමය, මස්පිඩුය, නහරය, ඇටය, ඇටමිදුලුය, වකුගඩුය, හෘදයමාංසයය, අක්මාවය, දළබුවය, බඩදිවය, පෙණහැලිය, බඩවැලය, අතණුබහන්ය, නොදිරූ ආහාරය, මලය, හිස්මොළය (පඨවි කොටස් 20),

පිතය, සෙමය, සැරවය, ලෙහෙය, ඩහදියය, මේද තෙලය, කඳුලුය, වුරුණු තෙලය, කෙලය, සොටුය, සඬමිදිලුය, මුත්‍රය,  යනමේ කුණුපයෝ ඇත්තාහ. (ආපෝ කොටස් 12)

මහණෙනි, නොයෙක් ආකාරවූ ධාන්‍යයන්ගෙන් පුරවනලද උඩ යට දෙපැත්තෙන් කටවල් දෙකක් ඇති මල්ලක් වේද, කිනමි ධාන්‍යවලින් යුත් මල්ලක්ද යත් ? හැල්වීය, මහවීය, මුංය, මෑය, තලය, සහල්ය,  යනමේ ධාන්‍යවලිනි  ඇස් ඇති පුරුෂයෙක් ඒ ධාන්‍ය පිරූ මල්ල ලිහා මේ හැල්ය, මේ මහ වීය, මේ මුංය, මේ මෑය, මේ තලය, මේ සහල්යයි යමිසේ මෙනෙහි කරන්නේ ද එපරිද්දෙන්ම මහණෙනි, මහණ තෙම පාදයෙන් උඩ හිසකේ මස්තකයෙන් යට සම කෙළවර කොට ඇති නොයෙක් ආකාර අසුචිවලින් පිරුණාවූ මේ ශරීරයම සිහි කරන්නේය. ඒ කෙසේදයත්_

හිසකෙස්ය, ලොමිය, නියපොතුය, දත්ය, සමය, මස්පිඩුය, නහරය, ඇටය, ඇටමිදුලුය, වකුගඩුය, හෘදයමාංසයය, අක්මාවය, දළබුවය, බඩදිවය, පෙණහැලිය, අතණුය, අතණුබහන්ය, නොපැසුණු ආහාරය, මලය, හිස්මොළය, පිතය, සෙමය, සැරවය, ලේය, ඩහදියය, මේද තෙලය, කඳුලුය, වුරුණු තෙලය, කෙලය, සොටුය, සඬමිදිලුය, මුත්‍රය,  යනමේ කුණපයෝ මේ ශරීරයෙහි ඇත්තාහ කියායි.

මෙසේ තමාගේ ශරීරයෙහි හෝ ශරීරය අනුව බලමින් වාසය කරන්නේය. අනුන්ගේ ශරීරයෙහි හෝ ශරීරය අනුව බලමින් වාසය කරන්නේය. තමාගේ හා අනුන්ගේ ශරීරයෙහි හෝ ශරීරය අනුව බලමින් වාසය කරන්නේය. ශරීරයෙහි ඉපදීමි ස්වභාවය අනුව බලමින් හෝ වාසය කරන්නේය. ශරීරයෙහි විනාශවීමි ස්වභාවය අනුව බලමින් හෝ වාසය කරන්නේය. කලෙක ශරීරයෙහි ඇතිවීමි ස්වභාව හා කලෙක ශරීරයෙහි නැතිවීමි ස්වභාව හෝ අනුව බලමින් වාසය කරන්නේය. ඒ භික‍්ෂුවට සත්වයෙක් පුද්ගලයෙක් නොවූ ශරීරය පමණක් ඇත්තේයයි යන සිහිය හොඬින් පිහිටියේ වෙයි, ඒ සිහිය ඥානයාගේ වැඩීම පිණ්සද, සිහිය වැඩීම පිණිසද පවතී. එවන් ඔහු තෘෂ්ණා දෘෂ්ටි දෙදෙනා ආශය කොට නොගෙන වාසය කරන්නේය. මේ ලෝකයෙහි කිසිවක් ආත්මාදි වශයෙන් නොගනී. මහණෙනි, භික‍්ෂුව මෙසේද ශරීරයෙහි ශරීරය අනුව බලමින් වාසය කරන්නේය.

Read More...

නිවනට කෙටිම මග - සිහිය පිහිටුවීමේ භාවනාව ගැන දතයුතු කරුණු හා භාවනා ක්‍රමය (14)

සිහිය පිහිටුවීමේ භාවනාව ගැන දතයුතු කරුණු.

01)මෙම සිහිය පිහිටුවීම ශුද්ධ භාවනාවක් වශයෙන්ද අන් භාවනාවන්ට පූරක භාවනාවක් වශයෙන්ද භාවිතා කල හැක. 

02)මෙයට පරිකමිම භාවනාවක් නැත. මෙයම අන් භාවනාවන්ට පරිකමිම භාවනාවක් වේ. 

03)උදාහරණ ලෙස අනාපානසතිය වඩානා අයෙකු හෝ සක්මන් භාවනාව ප්‍රධන භාවනාව වශයෙන් වඩනා අයෙක් වේ නමි ඔහුට ඒ භාවනා නොකරන අන්සෑම අවස්ථාවකම සූත්‍රයේ දක්වා ඇති පරිදි කරනා ක්‍රියාව සමිබන්ධව සිහියෙන් පසුවීමට හැකියාව ඇත.

04)ප්‍රධාන භාවනාව හැරුනුවිට දෛනිකව කරනා සෑම සියළු කටයුත්තක්ම සිහියෙන් යුතුවම මෙහිදී කල යුතුය.

05)ආනාපාන සතිය, සක්මන් භාවනාව හා සිහිනුවන පිහිටුවීමේ භාවනාව යන භාවනා ත්‍රිත්වය ඉතාමත් හොඳ සුසංයොගයකි. කදුබොඩ භාවනාමධ්‍යාස්ථානයේ ප්‍රකට පිමිබීමි හැකිලීමි භාවනා හීදී භාවිතා කරනුයේ මෙම භාවනා ත්‍රිත්වයයි.

06)පුර්ණ ලෙස භාවනාව සඳහාම කාලය වැය කර සිටින්නාවූ අයෙකුට ඉතාමත් පහසුවෙන් මෙම සිහිනුවන පිහිටුවීම කල හැක.

07)අන්‍යන්ද හැකිසෑම අවස්ථාවදීම විශේෂයෙන්, ආහාර ගන්නා විට, අතුපතුගා පිරිසිදු කරනා විට, ආහාර ආදිය උයා සකස් කරනා විට, වැසිකිලි කැසිකිලි කිරීමේදී හා නෑමේ දී මේ භවනාව භාවිතා කිරීමට උත්සුක විය යුතුමය.

උදාහරණයක් වශයෙන් සිහිනුවන වඩනා ආකාරය

ආහාර අනුභව කරනා අවස්ථාව.

සතිය පිහිටුවීමේ භාවනාවේ යෙදෙමින් ආහාර අනුභව කිරීමේ දී, යමි කෙලක ආහාර පිළිගන්නා විට හෝ ආහාර බෙදාගන්නා විට එසේ ආහාර බෙදාගන්නා බව දනිමින්ම ආහාර බෙදාගත යුතුය. එසේ ආහාර බෙදාගත් පසු ආහාර ගැණිමට ගමන් ගන්නා විට ආහාර ගැණිමට ගමන් ගන්නා බව දනිමින්ම ගමන් කල යුතුය. යමි තැනක හිඳ ආහාර ගන්නා විට, අතින් ආහාර අනනා විට ආහාර අනනා බව දනිමින්ම එසේ “ආහාර අනමි- අනමි” කියා සිතින් සිතමින්ම ආහාර ඇනිය යුතුය. ආහාර මුඛය තුලට ඇතුලු කිරීමට ගුලි සදනා විට ආහාර ගුලි සාදමි- ගුලි සාදමි කියා ගුලි සෑදිය යුතුය. අනතුරුව ආහාර පිඩ ගෙන අත ඔසවන විටදී අත “ඔස්වමි- ඔසවමි” කියා අත එසවිය යුතුය. ආහාර මුඛය තුලට ඇතුලු කරනා විට “ඇතුලු කරමි -ඇතුලු කරමි” කියා ඇතුලු කල යුතුය. එසේ මුඛයට ඇතුලු කල ආහාරය සපනා විට “සපමි - සපමි” කියා සැපීම කල යුතුය. ආහාර ගිලිනා විට “ගිහිමි - ගිලිමි” කියා ගිලිය යුතුය. එතෙක් ආහාර ඇනු අත නිශ්චලව තබාගත යුතු අතර ආහාර ගිල අවසන් වූ පසු නැවතත් ආහාර ඇණිම ආරමිභ කල යුතුය. මේ ආකාරයට ආහාරය ගෙන සමිපුර්ණයෙන්ම අවසන් වන තෙක් සතිය පිහිටුවීම කල හැක.

මේ ආකාරයට අන් සෑම ක්‍රියාවක්මත් හැකි සෑම අවස්ථාවකදීම සිහි නුවන පිහටුවමින්, සතිය පෙරටු කරගෙන කිරීමට හුරු විය යුතුය.

Read More...

නිවනට කෙටිම මඟ- සිහිය පිහිටුවීමේ භාවනාව (13)

සිහිය පිහිටුවීමේ භාවනාව.

මහණෙනි, නැවතද මහණ තෙමේ ඉදිරියට යාමෙහිද ආපසු ඊමෙහිද සිහියෙන් දැන කරන්නේ වෙයි. ඉදිරිපිට බැලීමෙහිද සරස බැලීමෙහිද ප්‍රඥාවෙන් දැන කරන්නේ වෙයි. අත් පා හැකිලීමෙහිද දිගු කිරීමෙහිද ප්‍රඥාවෙන් දැන කරන්නේය. පාත්‍රා, දෙපට සිවුරු, තනිපට සිවුරු දැරීමෙහිද ප්‍රඥාවෙන් දැන දරන්නේය. අනුභව කිරීමෙහිද පානය කිරීමෙහිද, කඩා කෑමෙහිද රස බැලීමෙහිද නුවණින් දැන කරන්නේය. මලමුත්‍ර පහකිරීමෙහිද නුවණින් දැන කරන්නේය. යාමෙහිද, සිටීමෙහිද, හිඬීමෙහිද, නිදීමෙහිද, නිදි දුරු කිරීමෙහිද, කථා කිරීමෙහිද, කථා නොකිරීමෙහිද, ප්‍රඥාවෙන් දැන ඒ ඒ කෘත්‍ය පවත්වන්නේ මෙසේ තමාගේ ශරීරයෙහි හෝ කය අනුව බලමින් වාසය කරන්නේය. අනුන්ගේ ශරීරයෙහි හෝ කය අනුව බලමින් වාසය කරන්නේය. තමාගේ හා අනුන්ගේ ශරීරයෙහි හෝ කය අනුව බලමින් වාසය කරන්නේය. ශරීරයෙහි ඇතිවීම බලමින් හෝ වාසය කරන්නේය. විනාශය බලමින් හෝ වාසය කරන්නේය. 

කලෙක ඉපදීම කලෙක නැතිවීම බලමින් හෝ වාසය කරන්නේය. මේ යෝගාවචරයාට වනාහි සත්ත්වයෙක් පුද්ගලයෙක් නොවූ කය පමණක් ඇත්තේයයි සිහිය එළඹ සිටියේ වෙයි, ඒ සිහිය ඥානයාගේ වැඩීම පිණිසද, සිහිය වැඩීම පිණිසද වෙයි. තෘෂ්ණා, දෘෂ්ටි දෙදෙනාගෙන් දුරුව වාසය කිරීම පිණිස වෙයි. ඔහු ශරීර ලෝකයෙහි කිසිවක් ආත්ම වශයෙන් නොගන්නේය. මහණෙනි, භික‍ෂුව මෙසේද මේ කයෙහි කය අනුව බලමින් වාසය කරන්නේය.

Read More...

නිවනට කෙටිම මග- සක්මන් භාවනාව පරිකමිම හා ප්‍රධාන භාවනාව. (12)

සක්මන් භාවනාව පරිකමිම භාවනාව

01)පළමුව සක්මනේ එක් කෙලවරක සිට දකුණු කකුල ඔසවා තබන විට දකුණ ලෙසද, වමිකකුල ඔසවා තබන විට වම වශයෙන් ද මෙනෙහි කරමින් සක්මන් භාවනාව කල යුතුය.

02)මෙසේ පැය භාගය බැගින් දවසට දෙවරක් සති දෙකක්  භාවනා කිරීම ප්‍රමාණවත් වනු ඇත.

03)ඇවිදීම සිදුකරනා කවර අවස්ථාවක දී වුවද දකුණ වම වශයෙන් සිත පිහිටුවමින් ඇවිදීමට හුරුකර ගත යුතුය.

04)ඉන් අනතුරුව පය ඔසවන විට ඔසවන ලෙසත් පය තබනා විට පය තබනා ලෙසත් මෙනෙහි කරමින් සක්මන් කල යුතුය.

05)මෙය සතියක කාලයක් පැය ½ බැගින් දවසට දෙවරක් කිරීම ප්‍රමාණවත් වනු ඇත.

06)ඉන් අනතුරුව පය ඔසවන විට ඔසවන ලෙසත්, පය ඉදිරියට ගෙනයන විට ගෙනයන ලෙසත්, තබන විට පය තබන ලෙසත් ඉහත ආකාරයෙන්ම මෙනෙහි කරමින් සතියක් භාවනා කල යුතුය.

07)මේ ආකාරයට පාදය එසවීම, ඉදිරියට ගෙනයෑම, පාදය තැබීම ඉතාමත් නිවැරදි ලෙස සිතින් දකිමින් භාවනා කිරීමට හැකිවූ විටක දී ප්‍රධාන භාවනාවට යොමුවිය යුතුය.

 

සක්මන් භාවනාව ප්‍රධාන භාවනාව

01)පළමුව ප්‍රගුණකරගත් පරිකමිම භාවනාව අවම වශයෙන් වම දකුණ වශයෙන් හෝ මෙනෙහි කරමින් පැය ½ක් හෝ වැඩිය යුතුය.

02)මෙහිදී පළමුව ඔබේ සිත පාදයේ පතුලේ පිහිටා ඇතැයි සිතා භාවනා කිරීමට පටන් ගත හැක. කාය විඥානයන් ශරිරය පුරාම ඇතිවන බැවින් පාදයේ පතුලේ සිත ඇතැයි සිතීමේ වරදක් නැත. 

03)ඉන් අනතුරුව සිතත් සමඟ පාදය ඔසවන බව ඉදිරියට ගෙන යන බව, බිම තබන බව මෙනෙහි කරමින් භාවනා කල යුතුය. මෙසේ මේ භාවනාව හුරුකල යුතුය. එහිදී ඔබට යමි අත්දැකීම අත්දැකිය හැක.

04)ඉන් නතුරුව පාදය ඔසවන විට පාදයේ ඇති පඨවි, ආපෝ, තේජෝ, වායෝ ධාතු කොටස්ද සමඟ පාදය එසවෙන බවත්, පාදය ඉදිරියට ගෙනයන විට ධාතු කොටස් සමඟ පාදය ඉදිරියට ගෙන යෙන බවත්, පාදය තබනා විට එම ධාතු කොටස් සමග පාදය තබනා බවත් සිතින් දකිමින් සක්මන් කල යුතුය.

05)මෙසේ මේ භාවනාව ප්‍රගුණවූ විටකදී ඔබ දනහිස දක්වා පොළවේ එරීගියා මෙන් අවස්ථාවක් වුවද අයෙකුට අත්දැකිය හැකි වනු ඇත. එවන් අත්දැකීමි යමෙකුට අතිශය චිත්ත ප්‍රීතිය ඇතිකර දෙන්නාවු අත්දැකීමක් වුව ද ඒවායේ ඇලීම නොකල යුතුය. යමි කලෙක ඒවායේ ඇලුන විට එය කාමචිඡන්ද නීවරණ ධර්මය වන නිසා ඒ අත්දැකීමි පිරිහී යනු ඇත. මේ ප්‍රකාශ කලේ සුළු අත්දැකීමක් පමණි. මෙහිදී අත්දැකිය හැකි හා අත්දැකිය යුතු තත්වයන් බොහෝ වන අතර ඒවා ඔබ අත්දැක සොයාගත යුතුය. මෙහි නොකියනු ලැබේ.

Read More...

නිවනට කෙටිම මග- සක්මන් භාවනාව සැලකිලිමත් විය යුතු කරුණු (11)

සක්මන් භාවනාව සැලකිලිමත් විය යුතු කරුණු (11)

01)සතිපටිඨාන සූත්‍රයේ ඉහතින් දක්වා ඇති කායානුපස්සනා ක්‍රමය ප්‍රායෝගික ලෙස පහුසුවෙන්ම ක්‍රියාවට නංවනුයේ සක්මන් භාවනාව තුලිනි.

02)සක්මන් භාවනාව යනු ඉතාමත් ප්‍රශස්ථ භාවනාවකි. මේ සසුනේ ලද හැකි උපරිම ප්‍රථිපල දක්වා එම භාවනාව දියුණු කල හැක.

03)පර්‍යක භාවනාව කිරීමට පෙර යමෙකුට අවම වශයෙන් පැය කාලක කාලයක් සක්මන් භාවනාව කල හැකිනමි එය පර්‍යක භාවනාව සඳහා වඩාත් උපකාරී වනු ඇත.

04)සක්මන් භාවනාව කිරීමට වැලි මළුවකම, සක්මන් මළුවකම අවශ්‍යතාවයක් නැත.

05)නිවසේ යමි හිස් අවකාශයක සිමෙන්ති පොළවේ හෝ ටයිල් පොලවේ අවම වශයෙන් අඩි 15 ක පමණ දිග ප්‍රමාණයක් වෙනකර ගෙන එහි සක්මන් භාවනාව කල හැක.

06)සක්මන් භාවනාව කිරීමේදී ශරිරය සෘජුව තබාගත යුතුය. පාද දෙස බැලීම නොකල යුතුය. පාදයන්ගේ ගමන් මඟ සිතින් දකින්නට උත්සාහ කරමින් සක්මන් කල යුතුය.

07)අත් පිටුපසට කර තබාගෙන හෝ ඉදිරියට කොට තබා සක්මන් කල හැක. වැඩි වේලාවක් සක්මන් කිරීමේදී අත් වල පිහිටීම මත, උරහිස් වේදනාවන් ඇතිවීමට ඉඩකඩ ඇත. එවන් විටකදී දෙ අත බැදගෙන සක්මන් කල හැකිය. එසේ අත්පා මාරුකරනා විටද එය සිහියෙන්ම කල යුතුය.

08)සක්මන් කිරිම්දී ඉතාමත් සෙමින්ද නොවන, ඉතාමත් වේගවත්ද නොවන ලෙස තත්පරයක‍ට එක් අඩිය බැගින් තබා සක්මන් කිරීම සුඳුසු වනු ඇත.

09)පාවහන් පැලද සක්මන් කිරිම සුදුසු නැත.

10)සක්මන කෙලවර නැවත හැරීමේදී නතරවී අඩි හරවා හැරීමට වඩා වෘත්තාකාර චලනයක් දක්වමින් හැරීම වඩා සුදුසුවනු ඇත. එවන් විටක සක්මනේ දිග කෙටි වුවහොත් කැරකිල්ල ඇතිවීමට සමහර අයෙකුට ඉඩ ඇති බැවින් සක්මනේ දිග පිළිබදව සැලකිලිමත් විය යුතුය.

Read More...

නිවනට කෙටිම මග- ඉරියාපථපබිබය. (10)

(ඉරියවි භාවනාව) සතිපටිඨාන සූත්‍රය (10)

මහණෙනි, නැවතද මහණ තෙම යනවිට යන්නෙමියි දන්නේය. සිටින විට සිටියෙමිය් දන්නේය. හුන්නේ හෝ හුන්නෙමියි දන්නේය. ශයනය කරන විට සයනය කරන්නෙමියි දන්නේය. ඔහුගේ කය වනාහි යමි යමි ඉරියවිවකින් පිහිටුවනලද ද ඒ ඒ ආකාරයෙන් දන්නේය. මෙසේ තමාගේ ශරීරයෙහි හෝ ශරීරය අනුව බලමින් වාසය කරන්නේය.

අනුන්ගේ ශරීරයෙහි හෝ ශරීරය අනුව බලමින් වාසය කරන්නේය. තමාගේ හා අනුන්ගේ ශරීරයෙහි හෝ ශරීරය අනුව බලමින් වාසය කරන්නේය. ශරීරයෙහි හටගන්නා ස්වභාව දක්නේ හෝ ශරීරය අනුව බලමින් වාසය කරන්නේය. ශරීරයෙහි නැතිවීමි ස්වභාව දක්නේ හෝ ශරීරය අනුව බලමින් වාසය කරන්නේය. කලෙක ශරීරයෙහි හටගන්නා ස්වභාව හා කලෙක විනාශවීමි ස්වභාව දකිමින් වාසය කරන්නේය. ඒ භික‍්ෂුවට වනාහි  සත්වයෙක් පුද්ගලයෙක් නොවූ  ශරීර ඉරියවි පමණක් ඇත්තේය, කියා සිහිය එළඹ සිටියේ වෙයි. එය ඥානයාගේ වැඩීම පිණිසද සිහිය වැඩීම පිණිසද වෙයි. තණ්හා දෘෂ්ටි දෙකින්  දුරුව  වාසය කරන්නේය. මේ සත්ත්ව ලෝකයෙහි කිසි රූපාදියක් ආත්මාදි වශයෙන්  නොගනියි. මහණෙනි, භික‍්ෂු තෙම මෙසේ ද ශරීරයෙහි ශරීරය අනුව බලමින් වාසය කරන්නේය.

Read More...